Amitabh Baççan muxlislarini öq ötkazmaydigan şişa ortidan kutib oldi

Hindiston kinosi afsonasi, 84 yoşli Amitabh Baççan önlab yillardan beri davom etib kelayotgan an’anasini bu safar noodatiy şaroitda davom ettirdi. 1-noyabr kuni aktyor Mumbaydagi Jalsa qarorgohi oldiga yiğilgan muxlislari bilan öq ötkazmaydigan şaffof himoya oynasi ortidan salomlaşdi.

Odatda har yakşanba kuni uyidan çiqib, muxlislariga qöl silkitadigan aktyor bu safar maxsus himoya kabinasi içida turdi. Unga öğli Abhişek Baççan ham hamrohlik qildi.

Bunga 23-oktabr kuni Mumbay politsiyasiga kelib tuşgan tahdidli elektron xat sabab bölgan. Unda aktyorning Juxa hududidagi qarorgohi, şahar meriyasi binosi va xonanda Diljit Dosanjning 27-noyabrga belgilangan konsertiga hujum qiliş bilan tahdid qilingan.

Xatda aktyorning uyiga 31-oktabrdan 27-noyabrgaça hujum uyuştirilişi mumkinligi aytilgan. Keyinçalik tahdid haqidagi ma’lumot yolğon ekani aniqlangan bölsa-da, politsiya xavfsizlik çoralarini kuçaytirgan.

Amitabh Baççan har yakşanba kuni qarorgohi oldiga yiğiladigan muxlislari bilan uçraşib, ularga salom berişni odat qilgan.

#casia #news #Bachchan