O‘zbekistonda narkojinoyatlar haqida xabar berganlar rag‘batlantiriladi

O‘zbekiston prezidenti farmoni asosida jinoyatlarni aniqlashga yordam bergan fuqarolar mukofotlanadi. Ichki ishlar vazirligi 2025-yil oxirigacha profilaktika inspektorlarini mahallalarda noqonuniy narkolaboratoriyalar va qo‘lbola qadoqlash sexlarini aniqlash bo‘yicha o‘qitadi. Samarali faoliyat ko‘rsatgan xodimlar byudjetdan tashqari mablag‘lar bilan rag‘batlantiriladi.
Shuningdek, 2026-yil 1-martga qadar tezkor ekspress tekshiruv uskunalari xarid qilinib, amaliyotga joriy etiladi. Noqonuniy narkotiklarga qarshi jazo choralari kuchaytiriladi, yoshlarni jalb qilganlar uchun javobgarlik og‘irlashtiriladi. Qaror narkojinoyatlarni aniqlash, oldini olish va profilaktik faoliyatni samarali kuchaytirishga qaratilgan.