Tramp o‘zini 25 yil avvalgidan ham yoshroq his qilayotganini aytib, yig‘ilish davomida mudrab qoldi

Tramp seshanba kuni bo‘lib o‘tgan uch soatlik Vazirlar Mahkamasi yig‘ilishida bir necha bor mudrab qoldi. Qizig‘i shundaki, yig‘ilish boshlanishida u o‘zini 25 yil avvalgidan ham yoshroq, tetikroq his qilayotganini aytgan. Videolarda 79 yoshli prezidentning ko‘zlari tez-tez yumilib ketgani, hatto to‘liq uxlab qolgani aks etgan. Bu paytda esa vazirlar navbatma-navbat so‘zga chiqib, o‘z yutuqlarini sanab, uni maqtashda davom etishgan. Ushbu lahzalar ijtimoiy tarmoqlarda keng tarqaldi.