Paragvayda bank inqirozi prezidentning iste’fosiga sabab böldi

Paragvay prezidenti Santyago Penya Ueno Bank atrofidagi moliyaviy mojaro va mamlakatda boşlangan ommaviy norozilik namoyişlari ortidan iste’foga çiqişini e’lon qildi. U fuqarolardan uzr ham söradi.

Mojaro prezident ilgari aksiyadorlaridan biri bölgan kompaniyaga tegişli Ueno Bank moliyaviy qiyinçilikka uçraganidan keyin boşlandi. Bank rahbariyati öz egalari bilan boğliq kompaniyalarga yetarli ta’minotsiz katta miqdorda kredit ajratganlikda ayblanmoqda.

Paragvay Markaziy banki Ueno Bankni öz nazoratiga oldi. Natijada qariyb 3 million mijozning hisoblari muzlatildi. Bu mamlakat aholisining deyarli yarmini taşkil etadi. Şundan söng fuqarolar prezidentning iste’fosini talab qilib, namoyişlarga çiqdi.

Muxolifat Penyani lavozimidan çetlatiş böyiça impiçment jarayonini boşlaşni taklif qildi. Prezident hatto öz partiyasidagi ayrim deputatlarning ham qöllab-quvvatlovidan ayrildi.

Penya iste’foga mamlakat barqarorligi va jamiyatdagi tinçlikni saqlaş maqsadida qaror qilganini bildirdi. Şuningdek, bankdagi fuqarolar jamğarmalarining qaytarilişi kafolatlanişi kerakligini ta’kidladi. Uning örnini vitse-prezident Pedro Alyana egallaşi kutilmoqda. Penya 2028-yil avgustigaça prezidentlik muddatini yakunlaşi kerak.