Toşkentda buyurtma asosida odam öğirlaşga uringan ikki şaxs uşlandi

Toşkentda buyurtma asosida odam öğirlaşga urinişda gumonlangan ikki kişi qölga olindi. Bu haqda Içki işlar vazirligi xabar berdi.

Ma’lum qilinişiça, gumonlanuvçilar bir fuqaroni avtomaşinada majburan olib ketgan. Biroq u qarşilik körsatib, qoçişga muvaffaq bölgan. Şundan söng ötkazilgan tezkor tadbirda ikki şaxs uşlangan. Ularning avtomobili yukxonasidan bolta topilgan. Telefonlari tekşirilganda esa Telegram orqali buyurtmaçi bilan yozişmalari aniqlangan. Unda yana bir fuqaroni ham majburan olib keliş, buning uçun zarur bölsa, uni elektroşoker bilan huşsizlantiriş topşirilgani ma’lum bölgan.

Gumonlanuvçilar ikkinçi fuqaroni işxonasi oldida qariyb tört soat kutgan, biroq u xizmat safariga ketgani sababli rejalarini keyinga qoldirgan. Holat yuzasidan Jinoyat kodeksining 137-moddasi 2-qismi bilan jinoyat işi qözğatilgan.