Ayol hakamlarimiz superligada yangi bosqichni boshlashmoqda!

Ayol hakamlarimiz Oʻzbekiston Superligasida muntazam ravishda faoliyat olib borib, futbolimizda muhim o‘zgarishlarga sabab bo‘lmoqda. 28-tur doirasida tajribali hakam Kristina Sereda OKMK – Navbahor uchrashuvida, yosh hakam Nasibabonu Toshmuhammedova esa Nasaf – Mash’al o‘yinida AVAR hakami sifatida faoliyat yuritdi.

Bugun bo’lib o‘tadigan Surxon – Sho‘rtan bahsi esa 2025-yilgi mavsum uchun tarixiy ahamiyatga ega. Uchrashuvda ilk bor ayol hakamlar yordamchi hakam sifatida ishlaydi:

Kristina Sereda va Zilola Rahmatova – yordamchi hakamlar

Gulshoda Saitqulova – zaxira hakami

Dildora Rustamova – AVAR hakami

Bu nafaqat Superligadagi hakamlik tizimida yangi bosqich, balki ayollarning sportdagi o‘rnini mustahkamlash yo‘lidagi katta qadamdir. Ayol hakamlarimizning bunday faol ishtiroki yosh avlodga motivatsiya berib, futbolimizda gender tengligini qo‘llab-quvvatlaydi.