Qimmatga tushgan go‘zallik: burnini plastik operatsiya qildirgan ayol falaj bo‘lib qoldi

Bokuda joylashgan xususiy klinikada burun operatsiyasi (rinoplastika) qildirgan 34 yoshli ayol falaj holatida qolgan. Ma’lumotlarga ko‘ra, operatsiya vaqtida shifokorlarning ehtiyotsizligi tufayli bemor klinik koma holatiga tushgan va hozirda butunlay harakatsiz.

Oradan olti oydan ortiq vaqt o‘tgan bo‘lishiga qaramay, ayolning oilasi ayblangan shifokorlarga hech qanday qonuniy chora ko‘rilmaganini aytmoqda.

Mazkur voqea Ozarbayjonda keng jamoatchilik muhokamasiga sabab bo‘ldi — fuqarolar sog‘liqni saqlash tizimidagi beparvolik va xususiy klinikalardagi nazoratning sustligini tanqid qilmoqda.