“O‘zenergoinspeksiya” tomonidan 6,1 mln litr sifatsiz yoqilg‘i aniqlandi

O‘zbekistondagi AYQSHlarda oktyabr oyida 6 million 105 ming litr sifatsiz neft mahsulotlari aniqlandi. 

Energetika vazirligi huzuridagi “O‘zenergoinspeksiya”ning nazorat-kimyo laboratoriyalari tomonidan neft mahsulotlari bo‘yicha olib borilgan sifat nazorati tadbirlari davomida 91 holatda 6 millon 105 ming litr neft mahsulotlari sifatsizligi aniqlanib, sotuvga chiqarilishining oldi olindi.

Inspeksiya tomonidan aniqlangan kamchiliklar tezda bartaraf etilishi bo‘yicha mas’ullarga ko‘rsatmalar berilib, ularning bajarilishi nazoratga olindi.