AQSHda erkak o‘zbekistonlik ayol bilan uchrashish uchun o‘zini o‘likka chiqardi

Viskonsin shtatida yashovchi 45 yoshli erkak internetda tanishgan o‘zbekistonlik ayol bilan ko‘rishish uchun o‘zini cho‘kib ketgandek ko‘rsatib, yashirincha Gruziyaga uchib ketdi. U qayig‘ini ag‘darib, hujjatlarini suvga tashlagan. Natijada politsiya va yaqinlari uni 89 kun davomida qidirdi, qidiruv uchun katta mablag‘ sarflandi. Oxirida erkakning tirikligi fosh bo‘ldi. Sud uni politsiyani chalg‘itgani uchun 3 oy qamoq jazosiga hukm qildi va 30 ming dollar tovon puli to‘lash majburiyatini yukladi.