Hamkasbiga şilqimlik qilgan öqituvçi 5 sutkaga qamaldi

Surxondaryo viloyati Muzrabot tumanida ayol hamkasbiga şahvoniy mazmundagi gaplar aytgan 59 yoşli maktab öqituvçisi 5 sutkaga maʼmuriy qamoq jazosiga hukm qilindi.

Maʼlum bölişiça, 2026-yil 3-oktyabr kuni öqituvçi boşqa hamkasblari oldida ayolga: “Köylaging bunça çiroyli, quçoqlab öpib olaman”, degan. Ayol bu gaplardan qattiq xijolat bölganini, erkak ilgari ham unga şahvoniy mazmundagi gaplar aytganini bildirgan. Erkak esa sudda bu sözlarni hazil tariqasida aytganini taʼkidlagan.

Sud uni Maʼmuriy javobgarlik töğrisidagi kodeksning 41-1-moddasi bilan aybdor deb topib, 5 sutkaga maʼmuriy qamoq jazosini tayinlagan.

Manba: Daryo.uz