AQSHda erkak futbol ko‘rish uchun xotinini stulga skotch bilan bog‘lab, yerto‘laga qamab qo‘ydi

AQSHning Virjiniya shtati Richmond shahrida 64 yoshli erkak futbolni tinchgina tomosha qilish uchun xotinini stulga skotch bilan bog‘lab, yerto‘lada 30–45 daqiqa ushlab turganlikda ayblanmoqda.
Politsiya 11-oktabr kuni uyidagi oilaviy mojaro haqidagi chaqiriqdan so‘ng voqea joyiga yetib kelgan. Ayolning qo‘llarida skotch izlari aniqlangan. Erkak xotinini bog‘lab, yerto‘laga joylashtirganini tan olgan. Keyin esa u hibsga olingan va unga odam o‘g‘irlash, shuningdek, oilaviy zo‘ravonlik bilan bog‘liq ayblovlar qo‘yilgan.