Qozog‘istonning Qarag‘anda viloyatida o‘quv samolyoti halokatga uchradi

Qozog‘istonning Qarag‘anda viloyatida o‘quv samolyoti halokatga uchradi, voqea joyidan ikki kishining jasadi topildi, deb xabar berdi Respublika transport vazirligi fuqaro aviatsiyasi qo‘mitasi matbuot xizmati.

"30-sentabr kuni Qarag‘anda viloyatining Balapan uchastkasida o‘quv parvozi chog‘ida UPLA286 rusumli P2002 samolyoti soat 07:46 da havoga ko‘tarilganidan so‘ng aloqaga chiqmadi. Qidiruv chog‘ida halokatga uchragan samolyot va ikki nafar halok bo‘lgan fuqaro topildi", deyiladi xabarda.

Keyinroq qo‘mita xabarida aniqlik kiritilishicha, qulash Qarag‘anda viloyatining Doskey qishlog‘idan 5 km uzoqlikda sodir bo‘lgan. Transport vazirligi tergovni boshladi.

Manba: Uzreport.news