Shotlandiyalik maktab o‘quvchisi chizgan portret internetni “portlatdi”

Shotlandiyadagi o‘quvchi qiz buvisining giper-realistik portretini chizib, ijtimoiy tarmoqlarda millionlab odamlarni hayratda qoldirdi. U bu asarni maktabdagi san’at imtihoni (GCSE) uchun tayyorlagan.

“Life in detail” nomli bu asar 3D effektga ega bo‘lib, unda buvisining yuzi juda yaqin tasvirlangan — ajinlar, teri tuzilishi va lab ifodasi nihoyatda real ko‘rinadi. Qiz portretni yaratishdan oldin buvisining ko‘plab suratlarini o‘rganib, har bir detal ustida sinchiklab ishlagan. Natijada oddiy o‘quvchi uchun juda yuqori darajadagi san’at asari paydo bo‘lgan.

Bu asar ijtimoiy tarmoqlarda ayniqsa “sigma” memlariga o‘xshash emotsiyasi sabab keng tarqalib, mashhur bo‘lib ketdi.