Rasman! O‘zbekistonda Ramazon hayiti 20-mart kuni nishonlanadi

Prezidentning 18-mart kuni imzolagan “Muborak Ramazon hayitini nishonlash to‘g‘risida”gi qarori bilan Ramazon hayiti 20-mart kuni nishonlanadi.
Bayramni Qoraqalpog‘iston, viloyatlar va Toshkent shahar hokimliklari hamda boshqa tashkilotlar milliy an’ana va urf-odatlarga mos, ko‘tarinki ruhda nishonlash, madaniy-ma’rifiy va xayriya tadbirlarini tashkil etish bilan shug‘ullanadi. Turizm va Transport vazirliklari ziyoratgohlar va tarixiy maskanlarni yurtdoshlar uchun qulay qilish choralarini ko‘radi.