Ota-onasining janjalini to‘xtatishga urinayotgan kichkina sug‘ur internet yulduziga aylandi

Ijtimoiy tarmoqlarda sug‘urlar oilasi aks etgan qiziqarli video millionlab tomoshabinlar e’tiborini tortdi.
Videoda yo‘l bo‘yida janjallashayotgan ikki katta sug‘urni ajratishga urinayotgan kichkina sug‘urni ko‘rish mumkin.
Mutaxassislarning aytishicha, bu sug‘urlar uchun odatiy xatti-harakat bo‘lib, ular shu tariqa chaqqonligini oshiradi hamda oiladagi va koloniyadagi ijtimoiy aloqalarni mustahkamlaydi.
Shunga qaramay, kichkina sug‘urning harakati internet foydalanuvchilarini lol qoldirdi. Ko‘pchilik uni hazil tariqasida “eng kichik tinchlikparvar” deb atamoqda.