Qor qoplonini suratga olaman deb o‘lishiga bir bahya qolgan ayol

Xitoyning Shinjon hududidagi Fuyun tumanida ayol chang‘ichi qor qoploniga juda yaqin kelib, uni suratga olishga uringan va natijada hujumga uchragan. Ma’lumotlarga ko‘ra, sayyoh yirtqichni ko‘rib, taxminan 3 metr masofagacha yaqinlashgan. Qor qoploni unga tashlanib, yerga yiqitgan. Chang‘i dubulg‘asi og‘ir jarohatlarning oldini olgan bo‘lsa-da, jabrlanuvchi shifoxonaga yotqizilgan. Uning ahvoli barqaror ekani aytilgan. Xitoy rasmiylari hududda qor qoplonlari ko‘paygani sababli sayyohlarni ogohlantirib, yirtqichlarga yaqinlashmaslik, transport vositasidan tushmaslik va yolg‘iz yurmaslikni qat’iy tavsiya qilgan.