- 5
- 13.03.2023 13:18:00
- 1 daq o'qish
Niderlandiyaning Eyndxoven shahri mezbonlik qilgan taekvondo WT bo‘yicha “Dutch Open” xalqaro musobaqasida o‘zbekistonlik sportchilar ishtirokini muvaffaqiyatli yakunladi. Ular 3 ta oltin va 2 ta bronza medaliga ega chiqdi.
Murosasiz bahslarda Jasur Jaysunov (-74 kg), Shuhrat Saloyev (-80 kg) va Nikita Rafalovich (-87 kg) oltin medalga sazovor bo‘ldi.
Yangi vazn toifasida ikkinchi bor ishtirok etgan Tokio-2020 Olimpiadasi chempioni Ulug‘bek Rashitov (-74 kg) va Svetlana Osipova (+73 kg) bronza medali sohibiga aylandi.
O‘zbekiston jamoasi endi Belgiyaning Lommel shahri mezbonlik qiladigan “Belgian Open” musobaqasiga tayyorgarlikni boshlaydi. Ushbu turnir 18-19 mart kunlari bo‘lib o‘tadi.
