UFC jangchisi vazn o‘lchash marosimida hushidan ketdi

23-yanvar kuni amerikalik UFC jangchisi Kemeron Smoterman Las-Vegasda UFC 324 oldidan vazn o‘lchash marosimida hushidan ketdi. ESPN xabariga ko‘ra, Smoterman vazn me’yorini bajargan, lekin tarozida yiqilib tushgan. U darhol tibbiy yordam bilan hushiga keltirilgan. Smoterman holati haqida: “Men yaxshiman, nima bo‘lganini aniq bilmayman. Haddan tashqari vazn tushirish oqibati deyilayotgan bo‘lsa-da, men deyarli vazn kamaytirmadim. Oldinda sababini aniqlash uchun tekshiruvlar bo‘ladi. Tez orada qaytaman, raqibimdan uzr so‘rayman”, deydi u.
28 yoshli Smoterman MMA bo‘yicha 12 g‘alaba va 6 mag‘lubiyatga ega bo‘lib, bugun, 24-yanvar kuni rossiyalik Rikki Tursiosga qarshi jang qilishi rejalashtirilgan edi.