Jahon chempionati kubogi Toshkentga yetib keldi

FIFA’ning World Cup Trophy Tour global safari doirasida 6,175 kg og‘irlikdagi asl oltin FIFA Jahon chempionati kubogi Toshkentga olib kelindi. Kubokning O‘zbekistonga olib kelinishi Coca-Cola kompaniyasi tashabbusi bilan tashkil etilgan sayohat doirasida amalga oshdi. Tadbirda Milliy Olimpiya qo‘mitasi, Sport vazirligi, Toshkent shahar hokimligi va O‘zbekiston futbol assotsiatsiyasi vakillari, shuningdek, Coca-Cola kompaniyasi rahbarlari ishtirok etdi. Kubok bilan birga 2006-yilgi jahon chempioni, Italiya terma jamoasi afsonasi Marko Materatssi ham Toshkentga tashrif buyurdi va u taqdimot davomida sovrinni kuzatib boradi. Bu O‘zbekiston futbol muxlislari uchun afsonaviy sovrinni jonli ko‘rish imkonini beradi.