Farg‘onada mahalla raisi yig‘ilishdan chiqib vafot etdi

Ijtimoiy tarmoqlarda Farg‘ona viloyati Furqat tumanida mahalla raisi hokim tanbehidan so‘ng vafot etgani haqida xabarlar tarqalgach, tuman hokimligi holatga munosabat bildirdi.
Ma’lum qilinishicha, 18-iyun kuni bo‘lib o‘tgan yig‘ilishda mahalla raislariga topshiriqlar berilgan, yig‘ilish tanqidiy ruhda o‘tgan bo‘lsa-da, tuman hokimi Elyorbek Asronqulov haqoratli so‘z ishlatmagan.
“Kaldushon” mahallasi raisi Sharifjon Abdullayev sog‘lig‘i yomonlashgani sababli yig‘ilishni tark etgan. Tashqi hovlida ahvoli og‘irlashgach, tez yordam chaqirilgan va u tibbiyot muassasasiga olib borilgan, biroq shifokorlar uni saqlab qola olishmagan.