Bishkekda ayol avtobus haydovchisini urib, eshikni tosh bilan sindirdi

Bishkekda 13-sonli avtobus haydovchisi va yo‘lovchi ayol o‘rtasida mojaro yuz berdi.

Hodisa 18-avgust kuni kechqurun sodir bo‘lgan. Ma’lum qilinishicha, yo‘lovchi avtobus harakatlanayotgan paytda bekat tugmasini qayta-qayta bosgan. Haydovchi undan qaysi bekatda tushishini so‘raganida, ayol haqoratli so‘zlar bilan javob bergan va haydovchini urgan. Ayol avtobusdan tushganidan so‘ng uning eshigini tosh bilan sindirgan.

Holat yuzasidan tekshiruv olib borilmoqda.