17 yoshli amerikalik qiz gamburger ta’mli pomidor yaratdi

AQSHlik 17 yoshli maktab o‘quvchisi Gabriella Rotberg gamburger ta’mini berishi kutilayotgan genetik o‘zgartirilgan pomidor navini yaratdi. Uning Impossible Vines loyihasi AQSHda patent olgan.
Qiz pomidorga go‘shtga xos ta’m beruvchi gem moddasini ishlab chiqarish uchun genetik o‘zgartirish usulidan foydalangan. Loyihada sun’iy intellekt ham yordam bergan.
Gabriella ushbu pomidorlar go‘sht qimmat yoki kam topiladigan hududlarda aholiga muqobil oziq-ovqat manbai bo‘lishiga umid qilmoqda.
Biroq loyiha hali tajriba bosqichida. Pomidorning ta’mi gamburgernikiga qanchalik o‘xshashi va uning oziqaviy xususiyatlari hali tekshirilishi kerak.