AQSHda viza suhbatlari vaqtincha to‘xtatildi

AQSH elchixonalari va konsulliklarida viza olish uchun suhbatlar vaqtincha to‘xtatildi. Bunga konsullik xodimlari uchun dunyo bo‘ylab o‘tkazilayotgan maxsus treninglar sabab bo‘lmoqda.
AQSH Davlat departamenti ma’lumotiga ko‘ra, treninglar vaqtida viza uchun belgilangan uchrashuvlar boshqa sanaga ko‘chiriladi. Yangi suhbat sanalari keyinroq ma’lum qilinadi.
Treninglar konsullik xodimlariga viza talabgorlarini yanada sinchiklab tekshirish va AQSH davlat yordamlariga qaram bo‘lib qolishi mumkin bo‘lgan shaxslarni aniqlashga qaratilgan.
Bu holat Prezident Donald Tramp ma’muriyati immigratsiya nazoratini kuchaytirayotgan bir paytga to‘g‘ri kelmoqda. Biroq Davlat departamenti suhbatlar qachongacha to‘xtatilishi haqida aniq muddat aytmadi.