Qozog‘istonda uch nafar o‘zbekistonlik YTHga uchrab, halok bo‘ldi

Qozog‘istonning Qizilo‘rda viloyatida Nexia-2 va KamAZ yuk mashinalari to‘qnashdi. YTH oqibatida Nexia-2 salonida bo‘lgan uch nafar O‘zbekiston fuqarosi voqea joyida halok bo‘ldi.

Hodisa 22-avgust kuni Qorabutaq—Qizilo‘rda—Chimkent avtomobil yo‘lining Birkazan tumani hududidan o‘tgan qismida sodir bo‘lgan.

Hozirda hodisa sabablari o‘rganilmoqda. FVV halok bo‘lganlarning jasadlarini O‘zbekistonga olib kelish va ularning oilalariga yordam ko‘rsatish choralarini ko‘rmoqda.