To‘yida ko‘z yoshini tiya olmagan kuyov

Ijtimoiy tarmoqlarda to‘y marosimida onasini quchoqlab yig‘lagan kuyov aks etgan video tarqaldi. Video tezda ommalashib, foydalanuvchilar o‘rtasida hazil aralash muhokamalarga sabab bo‘ldi. Tarmoq foydalanuvchilarining ayrimlari: “kuyov baxtdan yig‘layapti”, - deb yozgan bo‘lsa, boshqalar “uni majburlab uylantirishyapti shekilli”, - deya fikr bildirgan. Yana ba’zilar esa “kuyov uylanayotganga emas, go‘yo turmushga chiqayotganga o‘xshaydi”, - deb hazillashgan. Videoning qayerda va qachon olingani noma’lum, biroq u qisqa fursatda ijtimoiy tarmoqlarda eng ko‘p tomosha qilingan videolardan biriga aylangan.