AQSH va Eron o‘rtasidagi keskinlik kuchaydi

AQSH 2-sentabrga o‘tar kechasi Erondagi harbiy obyektlarga havo zarbalari berdi. Eron esa bunga javoban Iordaniya, Bahrayn va Iroqdagi AQSH harbiy obyektlariga raketa va dronlar bilan hujum qildi. Eronning Hormuz bo‘g‘ozi yaqinidagi Sirik sohiliga uyushtirilgan zarba oqibatida 5 kishi halok bo‘lib, o‘nlab odam yaralangan.

Vaziyat fonida neft narxi oshib, so‘nggi besh haftadagi eng yuqori darajaga yetdi. AQSH prezidenti Donald Tramp esa Eronni yangi hujumlardan ogohlantirdi.