Nogironligi bo‘lgan bolalarga zo‘ravonlik qilgan xodimlar ishdan bo‘shatildi

Andijon viloyati Qo‘rg‘ontepa tumanidagi nogironligi bo‘lgan bolalar uchun “G‘amxo‘rlik” markazida bolalarga jismoniy zo‘ravonlik qilingani aniqlandi. Bu haqda Ijtimoiy himoya milliy agentligi xabar berdi.

Ijtimoiy tarmoqlarda tarqalgan videolar o‘rganilgach, 6 nafar tarbiyachi va 1 nafar hamshira lavozimidan ozod qilindi. Bolalar tibbiy ko‘rikdan o‘tkazildi.

Shuningdek, xodimlar faoliyatini yetarlicha nazorat qilmagan mas’ullarga intizomiy choralar ko‘rildi. Markaz hududidagi o‘yin maydonlariga qo‘shimcha kuzatuv kameralari o‘rnatildi.