AQSHda Tramp siyosatiga qarshi namoyishlar

AQSHning barcha 50 shtatida prezident Donald Tramp siyosatiga qarshi “No Kings” (“Qirol yo‘q”) shiori ostida ommaviy namoyishlar o‘tkazildi. Ayrim shaharlarda norozilik aksiyalari politsiya bilan to‘qnashuvlarga sabab bo‘ldi. Huquq-tartibot idoralari ko‘z yoshlantiruvchi gaz va bo‘yoqli qurollardan foydalandi. Tramp namoyishlarga javoban ijtimoiy tarmoqlarda sun’iy intellekt yordamida yaratilgan video joyladi. Unda u jangovar samolyotda uchib, ostida turgan namoyishchilarga “loy sachratayotgani” tasvirlangan. Shuningdek, vitse-prezident Jey Di Vens ham Tramp toj kiyib turgan, demokratlar esa uning oldida tiz cho‘kkanini aks ettirgan videoni e’lon qildi. Namoyishlar “avtoritar boshqaruvga qarshi” harakat sifatida baholanmoqda.