Filippinda 7,4 magnitudali kuchli zilzila va sunami xavfi

10-oktabr kuni Filippin qirg‘oqlarida 7,4 magnitudali zilzila yuz berdi. Zilzila Davao shahridan 123 km uzoqlikda, 58,1 km chuqurlikda qayd etildi. Mahalliy hokimiyat sunami xavfi haqida ogohlantirdi va sharqiy hamda janubiy qirg‘oqbo‘yi hududlarda aholini evakuatsiya qilishga chaqirdi. Filippin vulqonologiya va seysmologiya instituti (Phivolcs) zilzilani 7,6 ballga tenglashtirdi. Aholi binolar va daraxtlar zararlangani haqida xabar bermoqda, jabrlanganlar soni hozircha noma’lum. Filippin Tinch okeani “Olov halqasi” hududida joylashgani sababli tez-tez kuchli zilzilalar sodir bo‘ladi.