KXDRda ayollarga silikon qo‘yish taqiqlandi

Shimoliy Koreyada ayollarga ko‘krak qismiga silikon o‘rnatish qat’iyan taqiqlandi. Mamlakatda bunday jarrohlik amaliyotlariga qarshi reydlar boshlandi. Bunday jarrohlik amaliyotini oʻtkazadigan shifokorlar endi mehnat lagerlariga jo‘natilishi mumkin. Yaqinda bunday operatsiya o‘tkazgan shifokor va “o‘z qomatlarini yaxshilamoqchi” boʻlgan ikki bemor sudda javobgarlikka tortildi. Mahalliy rasmiylarga ayollarni tekshirib, jarrohlik izlarini aniqlash bo‘yicha topshiriq berilgan. Taqiqni buzgan ayollar va shifokorlar “antisotsialistik xulq-atvor”da ayblanib, mehnat lagerlariga jo‘natilishi mumkin.