O‘zbekistonda yangi yo‘l belgisi

 Vazirlar Mahkamasining joriy yil 30 noyabr kuni qabul qilingan “Yo‘l harakati qoidalariga piyodalar xavfsizligini ta’minlashga qaratilgan o‘zgartirish va qo‘shimchalar kiritish to‘g‘risida”gi qaroriga ko‘ra, yo‘llarda xavfsizlikni oshirishga qaratilgan “Baland piyodalar o‘tish joyi” yangi yo‘l belgisi joriy etiladi. 
Yangi yo‘l belgisi shaharlar va aholi punktlarining ko‘chalarida, davlat va mahalliy ahamiyatga ega yo‘llarning yoritilgan uchastkalarida 30 km/soat tezlik chegarasida joylashtiriladi. Bundan tashqari, u ko‘rish imkoniyati cheklangan chorrahalarda va “Bolalar” belgisi bilan qoplangan maydonlar oldida o‘rnatiladi. Qaror 5-dekabrdan kuchga kirib, Ichki ishlar vazirligi, Transport vazirligi va mahalliy davlat hokimiyati organlariga ikki oy muddatda 2025-2026 yillarda belgi o‘rnatiladigan joylar ro‘yxatini tasdiqlash topshirilgan.