Hayvonot bog‘ida hayvonlarga tosh otgan erkak jarimaga tortildi

Toshkent hayvonot bog‘ida sher va jayralarga tosh otgan erkakka 2,884 mln so‘m jarima solindi.
Voqea 13-avgust kuni erkak farzandlari bilan hayvonot bog‘iga kelganida sodir bo‘lgan. U sher va jayralarga tosh otgan, ayrim toshlar hayvonlarga tekkan. Erkakning farzandi ham uning harakatini takrorlagan.
Voqea aks etgan video ijtimoiy tarmoqlarda tarqalgach, erkak IIBga chaqirtirildi. Unga nisbatan ma’muriy bayonnoma rasmiylashtirilib, 2 884 000 so‘m jarima tayinlandi.