Isroil vaziri har kuni 30–40 falastinlikni o‘ldirishga chaqirdi

Isroil milliy xavfsizlik vaziri Itamar Ben-Gvir G‘azoda har kecha 30–40 kishini nishonga olib o‘ldirish kerakligini aytdi.
Ben-Gvir bu fikrlarini HAMAS tomonidan 2023-yil 7-oktabrda garovga olingan va keyinchalik ozod etilgan Rom Braslavski olib boradigan podkastda bildirgan. U bosh vazir Binyamin Netanyaxuning G‘azodagi harbiy amaliyotlarni qisqartirish qaroriga qarshi ekanini aytib, G‘azoda yahudiy aholi punktlarini qayta qurish va falastinliklarni hududdan ko‘chirishni rag‘batlantirishga chaqirgan. Falastinliklarni esa “terrorchilar” deb atab, ularni o‘ldirish kerakligini ta’kidlagan.