👣 Irlandiyalik erkak Istanbuldan Irlandiyagacha yalangoyoq yurib, rekord o‘rnatdi

34 yoshli irlandiyalik Imon Kiveni Istanbuldan Irlandiyagacha 6 805,83 kilometr masofani yalangoyoq bosib o‘tib, Ginnes rekordini o‘rnatdi.

Uning sayohati 369 kun davom etgan. Kiveni Turkiyadan tashqari Bolgariya, Ruminiya, Vengriya, Avstriya, Germaniya, Fransiya, Angliya va Uels orqali yo‘l bosgan.

Kiveni avval ham yalangoyoq yurish bo‘yicha rekord o‘rnatgan. 2016-yilda u Irlandiya bo‘ylab 2 080 kilometr masofani oyoq kiyimsiz bosib o‘tgan. Shuningdek, u 2023-yilda bir g‘ildirakli velosipedda Irlandiyani 5 kun 5 soat 23 daqiqada kesib o‘tib, erkaklar o‘rtasida rekord o‘rnatgan.