Nepalda ikki yoshli qizcha tirik ma’buda etib tanlandi

Nepalda ikki yoshli Aryatara Shakya hindular sig‘inadigan Taleju ma’budasining yangi tirik timsoli — Kumari sifatida tanlandi.
An’anaga ko‘ra, Kumari faqat Shakya buddist kastasiga mansub, sog‘lom va balog‘atga yetmagan qizlardan tanlanadi. U o‘smirlik yoshiga yetib, oddiy inson sifatiga qaytgan avvalgi Kumari — Trishna Shakyaning o‘rnini egallagan.
Nomzodda tishi tushmagan bo‘lishi, hech qachon qon ko‘rmagan bo‘lishi hamda mukammallikning 32 alomatidan bir nechtasi mavjud bo‘lishi shart.
Yangi Kumari saroyda izolyatsiyada yashaydi — u maktabga bormaydi, tengdoshlari bilan o‘ynamaydi va tashqariga faqat maxsus marosimlarda chiqishi mumkin.So‘nggi yillarda esa  ba’zi an’anaviy qoidalar o‘zgarib bormoqda — Kumarilarga maxsus ustozlar tomonidan ta’lim olishga va hatto ibodatxona ichida televizor tomosha qilishga ham ruxsat berilgan. Sobiq Kumarilarga hukumat oyiga 110 dollar nafaqa beradi.