Buyuk Britaniya biznesi O‘zbekistonga qiziqishni kuchaytirmoqda

Buyuk Britaniyada “Yangi O‘zbekiston — ulkan imkoniyatlarga ega katta mamlakat” mavzusida davra suhbati bo‘lib o‘tdi. Tadbirda O‘zbekiston Prezidenti Administratsiyasi rahbari Saida Mirziyoyeva so‘zga chiqdi.

Uning so‘zlariga ko‘ra, bugungi kunda O‘zbekiston Buyuk Britaniya biznesi uchun jozibador makonga aylangan — mamlakatda 270 dan ortiq britaniya kompaniyasi muvaffaqiyatli faoliyat yuritmoqda.

Mirziyoyeva britaniyalik hamkorlarning O‘zbekiston iqtisodiyotiga bo‘lgan qiziqishi ortib borayotganini mamnuniyat bilan ta’kidladi va ularning ishtiroki yanada kengayishiga ishonch bildirdi.