Toshkentdagi OTMlarda yangi o‘quv yilidan darslar soat 08:00 da boshlanishi belgilandi

2026/2027-o‘quv yilidan Toshkent shahridagi oliy ta’lim muassasalarida birinchi smena darslari soat 08:00 da boshlanadi.

Oliy ta’lim, fan va innovatsiyalar vazirligi ma’lum qilishicha, yangi tartib ertalabki va kechki tig‘iz vaqtlarda transport yuklamasini kamaytirish, shuningdek, ta’lim jarayonini samarali tashkil etish maqsadida joriy etilmoqda.

Yangi o‘quv yilida 1-bosqich talabalari uchun darslar 7-sentabrdan, 2-bosqich va undan yuqori bosqich talabalari uchun esa 14-sentabrdan boshlanadi.