Xitoy astronavtlari orbitada barbekyu tayyorladi

Tiangong kosmik stansiyasidagi xitoylik astronavtlar insoniyat tarixida ilk bor kosmosda barbekyu tayyorlashga muvaffaq bo‘lishdi. Ular stansiyada o‘rnatilgan maxsus tutunsiz pech yordamida tovuq qanotchalarini pishirishdi — atigi 28 daqiqada.
Mutaxassislarning aytishicha, ushbu pech mikrogravitatsiya sharoitida xavfsiz ishlashi uchun maxsus texnologiyalar — yuqori haroratda pishirish, tutunni filtrlash va chiqindilarni yig‘ish tizimi bilan jihozlangan.
Bu yangilik nafaqat texnologik tajriba, balki kosmonavtlar uchun uzoq muddatli missiyalar davomida uy taomini eslatuvchi qulaylik yaratish sari tashlangan muhim qadam sifatida baholanmoqda.