Xitoyda inson yuz ifodalariga ega robot bosh taqdim etildi

Xitoylik AheadForm kompaniyasi inson yuz ifodalarini takrorlay oladigan robot bosh — Origin M1 prototipini namoyish etdi. Videoda robot ko‘zlarini pirpiratib, og‘zini ochib-yopadi va atrofga qaraydi. Kompaniya ma’lumotiga ko‘ra, bu tanasiz animatronik bosh “tadqiqot va interaktiv tajribalar” uchun yaratilgan. Hozircha u savdoga chiqarilmagan va faqat sinov bosqichida. Mutaxassislar bunday texnologiyalar “Black Mirror” serialidagi sahnalarni eslatishini aytmoqda.