OTMga kira olmagan abituriyentlarga oltinchi yo‘nalishni tanlash imkoniyati berildi

O‘zbekistonda kirish imtihonida 56,7 ball va undan yuqori ball to‘plab, tanlagan 5 ta yo‘nalishiga kira olmagan abituriyentlarga qo‘shimcha ravishda 6-yo‘nalishni tanlash imkoniyati berildi.

Bunda fanlar majmuasi va ta’lim tili mos keladigan, vakant o‘rin mavjud bo‘lgan 6-yo‘nalishlardan birini tanlash mumkin.

2026/2027-o‘quv yili uchun 80 ta oliygohda 31 808 ta vakant o‘rin mavjud. Qo‘shimcha tanlovda qatnashish uchun 22–28-avgust kunlari my.uzbmb.uz platformasi orqali ro‘yxatdan o‘tish mumkin.

Abituriyentlar to‘plagan ballari ketma-ketligi asosida, bazaviy to‘lov-kontrakt asosida talabalikka tavsiya etiladi.