Toshkentda avtobus yo‘liga yotib olgan ayol hushyorxonaga olib ketildi

Toshkentning Yashnobod tumanida avtobus yo‘liga yotib, transport harakatini to‘sib qo‘ygan 50 yoshli ayol hushyorxonaga olib ketildi. Bu haqda poytaxt IIBB ma’lum qildi.
Ma’lum qilinishicha, 25-iyul kuni soat 08:00 atrofida ayol Beshariq ko‘chasida ataylab yo‘lning qatnov qismiga yotib olib, jamoat tartibini buzgan va transport harakatiga xalaqit bergan.
Huquq-tartibot xodimlari bilan muloqot chog‘ida ayol mast holatda ekani aniqlanib, u 4-shahar klinik shifoxonasi hududidagi hushyorxonaga olib borilgan.
Hozirda holat yuzasidan Yashnobod tumani IIB tomonidan tergovga qadar tekshiruv olib borilmoqda. Yakuniga ko‘ra, qonunchilikka muvofiq tegishli qaror qabul qilinadi.