Avtobusda joy talashgan ikki ayol mushtlashib ketdi

Bishkek shahrida avtobusda yoshi katta ayol va yosh qiz o‘rtasida joy sabab janjal yuz berdi.
Dastlabki ma’lumotlarga ko‘ra, yoshi katta ayol qizdan joy berishini so‘ragan. Qiz o‘rnidan turgan, biroq keyinchalik ular o‘rtasida tortishuv boshlangan. Guvohning aytishicha, birinchi bo‘lib yoshi katta ayol qizga qo‘l ko‘targan, shundan so‘ng ular mushtlashib ketgan.
Keyinchalik ayol voqeaning to‘liq videosini e’lon qilib, o‘z versiyasini bildirdi. Uning aytishicha, qiz u bilan tortishib, janjalni davom ettirgan. Ayol hodisa oqibatida miya chayqalishi va bosh jarohati olganini ma’lum qilgan.
Hozirda holat yuzasidan tekshiruv olib borilmoqda.