Xitoyda avtoturargoh xodimi noodatiy raqsi bilan internet yulduziga aylandi

Xitoydagi savdo markazlaridan birida avtoturargoh harakatini boshqarayotgan 18 yoshli kasb-hunar kolleji talabasi o‘zining noodatiy ish uslubi bilan ijtimoiy tarmoqlarda mashhurlikka erishdi. U mashinalarga yo‘l ko‘rsatishni ko‘cha raqsi elementlari bilan uyg‘unlashtirib, har bir haydovchini jo‘shqin harakatlar bilan kutib oladi. Qayd etilishicha, yigit savdo markazida faqat yakshanba kunlari yarim stavkada ishlaydi. Uning so‘zlariga ko‘ra, bu ishni mehnatning qadriga yetish, ish hayotidagi qiyinchiliklarni his qilish va yanada chiniqish maqsadida tanlagan. U o‘zining quvnoq va samimiy munosabati orqali tashrif buyuruvchilarda shahri aholisi haqida iliq taassurot qoldirishni istaydi. Hozirda, ko‘plab odamlar aynan yigitning raqsini ko‘rish uchun mazkur savdo markaziga tashrif buyurmoqda.