Uy emas, butun bir hayot vayron bo‘ldi: Falastindan og‘riqli lavhalar

Isroil kuchlari Falastinning G‘arbiy Sohil janubidagi uylarni buzishda davom etmoqda. Mahalliy aholi esa o‘z uylarining vayron qilinayotganini ko‘z yosh bilan kuzatmoqda.
Ular uchun bu shunchaki bir uy emas edi. Bu — bolaligi, xotiralari, orzulari va o‘zini xavfsiz his qiladigan maskan edi. Ammo bir necha daqiqada bularning barchasi vayronaga aylandi.

Isroil tomonidan falastinliklarning uylarini buzish Falastin–Isroil mojarosidagi eng bahsli masalalardan biridir. Isroil buni asosan noqonuniy qurilish yoki xavfsizlik choralari bilan izohlasa, falastinliklar va xalqaro tashkilotlar bu amaliyot majburiy ko‘chirishga olib kelayotganini ta’kidlaydi. Ma’lumotlarga ko‘ra, 1967–2017 yillar oralig‘ida 50 mingga yaqin falastinlik uyi buzilgan. 2023-yil 7-oktabrdan keyin esa bunday holatlar sezilarli darajada ko‘paygan.