AQSHda sayyohning trekking tayog‘i o‘z tanasini teshib o‘tdi

AQSHning Montana shtatida 32 yoshli sayyoh cho‘qqiga chiqayotgan vaqtida noodatiy hodisa yuz berdi. Uning yo‘lda sirpanib yiqilishi oqibatida trekking tayog‘i chap qo‘ltig‘i ostidan kirib, belining pastki qismidan chiqib ketgan. Shunga qaramay, sayyoh do‘stlari bilan taxminan 10 mil (16 kilometr) masofani 6 soatdan ortiq vaqt davomida piyoda bosib o‘tgan. Tog‘ etagiga yetgach, u shifoxonaga olib borilgan. Shifokorlar operatsiya orqali trekking tayog‘ini muvaffaqiyatli olib tashlashgan. Dastlabki tekshiruvlarga ko‘ra, tayoq yurak, o‘pka va boshqa muhim ichki a’zolarga zarar yetkazmagan. Sayyoh sog‘aygach, cho‘qqiga qaytib borib, yakunlay olmagan sayohatini davom ettirishini ma’lum qilgan.