Venesueladagi dahshatli zilzila: qurbonlar soni 235 nafarga yetdi

24-iyun kuni Venesuelada 7,2 va 7,5 magnitudali ketma-ket sodir bo‘lgan kuchli zilzilalar oqibatida halok bo‘lganlar soni 235 nafarga yetdi, kamida 1 500 kishi jarohatlandi.
Eng ko‘p zarar poytaxt Karakas va La-Guayra shtatiga yetgan. Yuzlab binolar, jumladan shifoxonalar va boshqa muhim inshootlar vayron bo‘lgan. Minglab aholi boshpanasiz qolgan, qutqaruv ishlari esa hanuz davom etmoqda.
Rasmiylarga ko‘ra, 250 ga yaqin bino jiddiy shikastlangan yoki qulab tushgan. Ayrim hududlarda elektr energiyasi va aloqa uzilgan, Karakas aeroporti esa vaqtincha yopilgan.
Venesuela hukumati xalqaro yordamni qabul qilmoqda. AQSH, Meksika, Dominikan Respublikasi, Qatar va boshqa davlatlar qutqaruv hamda gumanitar yordam yuborayotganini ma’lum qilgan.