❗️O‘zbekistonda naqd pulga uy-joy olish va sotish cheklanadi

26-iyun kuni Oliy Majlis Senatidagi majlisda Soliq qo‘mitasi raisining birinchi o‘rinbosari Mubin Mirzayev ma’lum qilishicha, O‘zbekistonda uy-joy oldi-sotdisini naqd pulda amalga oshirish cheklanadi.
Unga ko‘ra, bu qaror yashirin iqtisodiyotga qarshi kurashish va barcha yirik hisob-kitoblarni bank orqali amalga oshirish maqsadida qabul qilinmoqda.
Endilikda uy-joy oldi-sotdisi faqat naqdsiz to‘lov orqali – bank aylanmasi orqali amalga oshiriladi. Bu tartib xufiyona bitimlarni kamaytirish va qonuniy savdoni rag‘batlantirishga xizmat qiladi.