- 0
- 10.06.2025 07:38:00
- 1 daq o'qish
Davlat aktivlarini boshqarish agentligi “Universal Mobile Systems” MChJ (Mobiuz) ustav kapitalidagi 100% davlat ulushini xususiylashtirish bo‘yicha xalqaro ochiq savdoni boshladi.Mazkur jarayonga Rothschild & Co (strategik va moliyaviy konsultant), KPMG (moliyaviy, soliq va yuridik ekspertiza), hamda Deloitte (mustaqil baholovchi) jalb etilgan.
2024-yil yakunlariga ko‘ra, kompaniyaning sof tushumi 2,1 trln so‘mni, abonentlari soni esa 7,8 millionni tashkil etgan.
Savdoda davlat kompaniyalari, sanksiyalangan shaxslar hamda ularning sheriklari ishtirok eta olmaydi. Xususiylashtirish ochiq raqobat tamoyillariga asoslangan bo‘lib, unda mahalliy va xalqaro investorlar qatnashishi mumkin.
Xususiylashtirish jarayoni uch bosqichda o‘tkaziladi:
1. Qiziqish bildirish
2. Majburiyatsiz takliflarni taqdim etish
3. Majburiyatli takliflarni taqdim etish
Investorlarning arizalari 2025-yil 1-avgust soat 18:00 (Toshkent vaqti)ga qadar qabul qilinadi.
