O‘zbekiston — bronza medali sohibi!

Vengriya poytaxti Budapesht shahrida bo‘lib o‘tayotgan Butunjahon shaxmat Olimpiadasida 11-tur bellashuvlari bugun, 22-sentyabr kuni yakunlandi. O‘zbekiston erkaklar jamoasi Fransiya bilan bahsda g‘olib chiqdi. Qizlar jamoasi esa Turkiya ustidan g‘alaba qozondi. Musobaqa yakuniga ko‘ra, O‘zbekiston erkaklar terma jamoasi yakuniy jadvalda 3-o‘rinni egalladi. Qizlar terma jamoasi esa yakuniy jadvalda 12-pog‘onani band etdi. 

Shuningdek, taxtalar kesimida, 1-taxtada Nodirbek Abdusattorov kumush medalni, 4-taxtada Shamsiddin Vohidov oltin medalni qo‘lga kiritdi. Ayollar bahslarida 4-taxtada Nodira Nodirjonova bronza medalni qo‘lga kiritdi. 

Eslatib o‘tamiz, 2026-yilgi olimpiadaga Toshkent mezbonlik qiladi.