Isroilda ikki ming yillik “Iso qayig‘i” topildi

Isroilda ikki ming yillik qadimiy yog‘och qayiq topildi. Tarixchilar uni “Iso qayig‘i” deb atashmoqda, chunki bu turdagi qayiq Iso Masihning zamonida Galileya ko‘lida ishlatilgan bo‘lishi mumkin. Mutaxassis Danni Hermanning aytishicha, bu qayiq Injilda tilga olingan qayiqlar turiga mansub va qariyb 12 kishi uchun mo‘ljallangan. Uni Iso suv ustida yurgan va bo‘ronni tinchitgan hikoyaga bog‘lash mumkin. Ammo Iso haqiqatan ham unga chiqqanini isbotlashning imkoni yo‘q. O‘sha davrda ko‘lda taxminan 600 ta qayiq ishlagan.